Drejtori i Zyrës për Kosovën në qeverinë e Serbisë, Petar Petkoviç deklaroi se kryeministri i Kosovës, Albin Kurti nuk mund të shkarkojë Ekipin Menaxhues për hartimin e draft-statutit për Asociacionin.
Fakti që Kurtit nuk i pëlqen draft-statuti për Asociacionin, sipas Petkoviçit, është problem i tij personal, teksa shtoi se mandati i Ekipit Menaxhues ekzistues është aktiv dhe i vlefshëm, i konfirmuar në disa raste nga përfaqësues të Bashkimit Evropian, si dhe Përfaqësuesi i lartë i BE-së për politikën e jashtme, Josep Borell.
“Prandaj , para se Kurti të kontestojë funksionimin e Ekipit Menaxhues, le ta rinovojë materialin dhe ta rilexojë deklaratën e zëdhënësit të BE-së, Peter Stano, se ekipi menaxhues nuk mund të zëvendësohet në mënyrë të njëanshme, sepse ata janë pjesë e procesit të dialogut dhe kjo për ta. Përbërja e asaj skuadre është ende e vlefshme”, theksoi ai.
Petkoviç tha se përpjekja e Kurtit për të sfiduar përbërjen dhe mandatin e Ekipit Menaxhues nuk është gjë tjetër veçse një blerje e kotë e kohës, për të shmangur detyrimin për formimin e Asociacionit, por ai nuk do të ketë sukses.
“E vetmja gjë që Kurti po bën është që të mendojë gjatë gjithë ditës shaka për të shkatërruar dialogun, pasi ai nuk dëshiron të formojë Asociacionin. Por sado i vendosur në synimin e tij, Beogradi dhe Aleksandar Vuçiç janë edhe më të vendosur që Asociacioni të formohet”, ka përfunduar Petkoviç./abcnews.al
