Presidenti i Polonisë Andrzej Duda pritet që të zhvillojë një vizitë zyrtare dy ditore në vendin tonë. Sipas presidencës pritet që ai të mbërrijë në Shqipëri për një vizitë dy-ditore në datat 10-11 maj, pas ftesës së presidentit Bajram Begaj.
Duda do të jetë i shoqëruar në këtë vizitë edhe nga zonja e parë e Polonisë, Agata Kornhauser-Duda, teksa kjo është vizita e parë zyrtare pas 20 vitesh e një Presidenti polak në Shqipëri.
Duda pritet të mbërrijë në Shqipëri, më 10 maj 2023, ndërsa, më 11 maj, ora 11:00 do të pritet nga presidenti Begaj në Presidencë.
Gjithashtu mësohet se pas ceremonive të dy Presidentët do të zhvillojnë një takim dhe më pas do të kryesojnë delegacionet e të dy vendeve në një takim të zgjeruar, ndërsa në mbarim të takimit, ata do të zhvillojnë një konferencë për media./abcnews.al
