Tifozët e United ishin në Spanjë për të dëshmuar se “Djajtë e Kuq” u shembën plotësisht në Sevilla, duke humbur me shifrat 3-0 dhe duke u eliminuar në çerkfinale, me një rezultat të përgjithshëm 5-2.
Para fillimit të kësaj sfide, një tifoz i United po shkonte për te stoli i tij, por padashur humbi ekuilibrin edhe ra sipër disa tifozëve të tjerë duke bërë edhe ata të rrëzoheshin.
Fatmirësisht nuk pati të lënduar, por komentet nëpër rrjetet sociale për këtë situatë e kthyen edhe paksa në një humor.
Një person shkruante: “Kur sheh ekipin tënd të zemrës që mposhtet dhe eliminohet në këtë mënyrë, nuk të mbajnë as këmbët”.
Gjithsesi, stadiumi i Sevilla ka një pjesë të tribunave të sipërme me një pjerrtësi të frikshme, dhe shpesh ka ndodhur që tifozët të humbasin ekuilibrin aty./ h.ll/abcnews.al
