Loading ...
Lideri i opozitës bjelloruse është dënuar më 17 vjet burg, pasi akuzohet për formimin e një grupi ekstremist. 58-vjeçari, Valery Tsepkalo, ka qenë një ish-aleat i presidentit bjellorus, Aleksandër Lukashenko.
Në vitin 2020, Tsepkalo u largua për në Rusi, pasi Komisioni Qendror i Zgjedhjeve e ndaloi atë dhe tetë kandidatë të tjerë të sfidonin Lukashenkon në zgjedhjet presidenciale të atij viti. Më vonë ai u zhvendos në Ukrainë, Letoni dhe Greqi.
Sipas qendrës bjelloruse të të drejtave të njeriut Viasna, Tsepkalo nuk mundi të mbrohej në gjykatë sepse nuk kishte kontakte me avokatin shtetëror.
Gruaja e tij vazhdoi të mbështesë kandidaturën e Sviatlana Tsikhanouskaya, e cila vendosi të kandidojë kundër Lukashenko në vend të bashkëshortit të saj të burgosur.
/abcnews.al
