Një delegacion i Unionit të Futbollit të Rusisë ka votuar në zgjedhjet e Kongresit të UEFA-s, pavarësisht se vendi është i ndaluar, ka raportuar CNN.
Skuadrat ruse u pezulluan “deri në njoftimin e mëtejshëm” nga pjesëmarrja në çdo garë të drejtuar nga organi qeverisës i futbollit evropian, si dhe FIFA, vitin e kaluar.
Kjo do të thotë se skuadrat ndërkombëtare dhe klubet nuk lejohen të marrin pjesë në gara të tilla si Liga e Kampionëve dhe Liga e Evropës, dhe ofertat për të pritur Euro 2028 ose Euro 2031 janë shpallur të papërshtatshme.
“Po, një delegacion i Unionit të Futbollit të Rusisë ishte i pranishëm në Kongresin e UEFA-s në Lisbonë dhe mori pjesë në votim”, tha një zëdhënës i UEFA-s për CNN, duke shtuar se çdo shoqatë anëtare ka një votë.
“Bazuar në vendimin e UEFA ExCo, pezullimi vlen për ekipet kombëtare dhe klubet ruse dhe jo për shoqatën e futbollit”, shtoi UEFA.r.t/abcnews.al
