Chelsea dhe Liverpool do të ndeshen sot në mbrëmje në ndeshjen e prapambetur të raundit të tetë të Premier League.
Të dyja skuadrat ndodhen në një situatë të vështirë këtë sezon të lëkundur. Chelsea vjen nga një humbje në fundjavë ndaj Aston Villa, rezultat i cili solli edhe shkarkimin e trajnerit Graham Potter. Liverpool gjithashtu u mposht me një rezultat përmbysës prej Manchester Cityt, ku nga 0-1 për skuadrën e Klopp, ndeshja përfundoi me shifrat 4-1.
Chelsea vjen nga një formë pak më e mirë për sa i përket rezultateve në pesë ndeshjet e fundit. “Blutë” e Londrës kanë marrë 3 fitore, 1 barazim dhe 1 humbje në të gjitha kompeticonet, ndërsa Liverpool 2 fitore dhe tre humbje radhazi.
Në përballje direkte, saktësisht në pesë të fundit, të dyja kanë fituar nga një, ndërsa tre të tjerat në barazim, kur ajo e fundit më 21 janar të këtij viti përfundoi me shifrat 0-0.
Renditja e të dyja skuadrave flet vet për gjendjen e tyre këtë sezon, me Chelsea që ndodhet në vendin e 11-të me 38 pikë, ndërsa Liverpool në vendin e 8-të me 42 pikë, të dyja jashtë zonës së Europës deri më tani./ h.ll/abcnews.al
