Sakrifikimi i Bastonit, pas humbjes së Milan Skriniar, do të ishte jashtëzakonisht e dhimbshme për Interin dhe do të shkaktonte zhurmë. Megjithatë, “La Gazzetta dello Sport” shpjegon se si zikaltërit kanë menduar tashmë se kush mund të zëvendësojë mbrojtësin italian. Giorgio Scalvini, 20-vjeçari i Atalantës është konsideruar si profili ideal pasi është edhe investim me perspektivë.
Ekziston rreziku që edhe klube nga Premier League të hidhen në sulm për të dhe ndërkohë Atalanta po e vlerëson kartonin e tij rreth 40 milionë euro.
Megjithatë, nuk është vetëm Scalvini në listën e Interit, por edhe Demiral. Largimi i Skriniar në drejtim të PSG-së ka lënë bosh vendin e rëndësishëm të repartit dhe Marotta në fakt ka zgjedhur mbrojtësin turk Demiral për atë rol. Lojtari vlerësohet 20 milionë euro dhe duket se Inter është i gatshëm t’i depozitojë këto shifra për ta sjellë atë në Milano./ h.ll/abcnews.al
