Princi William ka bërë një vizitë në Poloni për të falënderuar trupat dhe vendasit për mbështetjen e tyre për Ukrainën. Ai vendosi një kurorë në Varrin e Ushtarit të Panjohur, një monument kushtuar ushtarëve polakë që humbën jetën në luftë, në një moment që i bëri jehonë një gjesti të ngjashëm nga gjyshërit e tij në 1996.
Mbretëresha dhe Princi Philip kishin bërë të njëjtën gjë gjatë vizitës së tyre shtetërore atë vit.
Pas ceremonisë, Princi William zhvilloi një takim me presidentin polak Andrzej Duda.
“Princi i Uellsit i falënderoi polakët për bujarinë dhe mikpritjen e tyre”, tha zyra e Presidencës.
Polonia është vendi më i madh në krahun lindor të NATO-s dhe aktualisht është shtëpia e më shumë se një milion refugjatëve ukrainas. Udhëtimi surprizë i trashëgimtarit të fronit po zhvillohet nën masa të rrepta sigurie./abcnews.al
