Presidenti Recep Tayyip Erdoğan tha të premten se Turqia do të nisë procesin e ratifikimit të ofertës së Finlandës për anëtarësimin në NATO pasi vendi ndërmori hapa konkretë për të mbajtur premtimet e saj.
Në një konferencë për shtyp me homologun e tij finlandez, Erdogan tha se Turqia do të vazhdojë diskutimet me Suedinë për çështje të lidhura me terrorizmin dhe se oferta e Suedisë për anëtarësimin në NATO do të varet drejtpërdrejt nga masat e marra.
Erdogan tha se ai i kishte dhënë Suedisë një listë të “120 terroristëve”, të cilët do të riatdhesoheshin në Turqi, por nuk kishte ndodhur.
Sauli Niinistö, presidenti i Finlandës, tha se kishte kuptuar më herët se Turqia do të miratonte ofertën e Finlandës dhe “kjo është e rëndësishme për Finlandën”. Por ai tha gjithashtu se “anëtarësimi finlandez në NATO nuk është i plotë pa Suedinë”.
Erdogan tha se shpreson që procesi të përfundojë përpara zgjedhjeve të majit.
/abcnews.al
