Vijon intensivisht lufta antiinformalitet në Tiranë. Zv.Kryeministri Erjon Braçe ka njoftuar sot mbylljen e Kompleksit Tajvan në Tiranë, pasi nuk kishte lëshuar asnjë kupon tatimor. Lajmin, Brace e bëri të ditur nëpër rrjetit social Facebok. Ndërkohë, pak minuta më parë, zv.kryeministri ishte në një pikë karburanti në zonën e Brrylit së bashku me drejtoren e përgjithshme të tatimeve, ku floën për masat që do të ndërmerren edhe në ditët në vijim, në kuadër të luftës antiinformalitet.
Taivanit në Tiranë i është vendosur shiriti i bllokimit. Tatimet kanë mbyllur këtë biznes pasi për herë të dyte nuk gjetën kuponat tatimorë nëpër tavolina. Zëvendëskryeministri Erion Braçe e mori shembull për të thënë se qeveria i ka shpallur luftë pa kompromis informalitetit.
Numri dy i qeverisë bashkë me Drejtoreshën e Përgjithshme të Tatimeve nga një karburant në kryeqytet apeluan për respekt të ligjit, ndërsa paralajmëruan se grupet e inspektimit janë shpërndarë në të gjithë vendin.
Legjislacioni në fuqi nuk lejon që karburantet të tregtojnë me regjim manual. Nëse kanë probleme me funksionimin e pompës dhe nuk mund të printojnë faturë duhet të ndërpresin shitjen dhe të vënë në dijeni administratën tatimore apo kompaninë e kasave. Hetimi Tatimor tha zëvendëskryeministri gjatë kontrolleve në Tiranë, Elbasan dhe Durrës ka konstatuar veprimtari të krimit të organizuar.
Kontrollit do t’i nënshtrohen 3200 pompa në të gjithë vendin./ABC News Albania 24/7
