Princi William dukej i prekur pasi Dame Helen Mirren i bëri një nderim të veçantë gjyshes së tij të ndjerë Mbretëreshës Elizabeth II në ndarjen e çmimeve BAFTA të së dielës.
Ndërsa një video u shfaq në ekran, Helen Mirren tha: “Kinemaja në mënyrën më të mirë të saj bën atë që Madhëria e Saj bëri pa mundim duke na bashkuar përmes një historie. Madhëri, ju ishit ylli kryesor i kombit tonë.”
Aktorja 77-vjeçare luajti në ekran, duke fituar një Oscar dhe një BAFTA për rolin e saj në filmin “The Queen” të vitit 2006.
Princi William dukej se kishte lot në sytë e tij gjatë nderimit të Dame Helen Mirren, ndërsa ai dhe Kate Middleton u shfaqën në ndarjen e çmimeve si të ftuar nderi.
Çifti kaluan në tapetin e kuq teksa mbërritën në ndarjen e çmimeve në Royal Festival Hall. William dukej komod me një smoking të zi prej kadifeje, ndërsa Kate i la të gjithë pa fjalë me një fustan të bardhë Alexander McQueen./abcnews.al
