Kreu i Bashkisë së Tiranës, Erion Veliaj ka sqaruar procesin e pastrimit të Tiranës nga plehrat. Veliaj deklaroi se Bashkia e Tiranës është një nga 5 klientët dhe jo autoritet konkrator. Ai shtoi se sot pastrimi bëhet kundrejt një shifre që përbën 1/3 e vlerës së propozuar nga koalicioni i Sali Berishës dhe Ilir Metës, në kohën kur Bashkia e Tiranës drejtohej nga Lulzim Basha.
“Secili duhet të mbajë përgjegjësinë për punën e tij. Unë jam kryetari i Bashkisë së Tiranës. Detyra ime është të pastroj Tiranën. Kontrata kërkon që Bashkia e Tiranës, e cila nuk është autoritet kontraktor, por një nga 5 klientët, të çoje plehrat ne landfill. Unë si kryetar bashkie gjeta propozimin e LSI-së dhe PD-së, kur Luli dhe Monika drejtonin Bashkinë e Tiranës – Luli ishte kryetar dhe Petrit Vasili nënkryetar, kurse në koalicionin e madh ishte Ilir Meta me Sali Berishën – ky propozim e kishte tarifen 36-37 dollare për të bërë të njëjtën gjë. Bashkia tani e bën me 1/3 e tarifes”, u shpreh Veliaj në Real Story.
Ai deklaroi se Bashkia e Tiranës paguan vetëm shërbimin dhe jo investimin, duke theksuar se taksa e pastrimit nuk ka ndryshuar, pavarësisht rritjes së shërbimit.
“Nuk ka arritur taksat e pastrimit, fare. Merre faturën që ke pasur dhe faturën tani, ke të njëjtën taksë pastrimi. Bashkia e Tiranës i çon dhe i peshon aty. Nuk ka paguar Bashkia e Tiranës investime. Ne paguajmë vetëm për ton, ne paguajmë një shërbim. Detyra e kryetarit të Bashkisë është të pastrojë qytetin dhe të lërë plehrat te dera. I lëmë të dera e atij autoriteti që është përzgjedhur nga ministrat e asaj kohe, që kanë qenë të LSI-së. Që LSI i bie mbrapa plehrave është një gjë që LSI e ben rëndom. Se është metaforikisht apo fizikisht, ajo është një parti që plehrave i bie mbrapa. Se ndryshe nuk do kishte shpjegim që drejtuesit e asaj partie janë njerëzit më të urryer sot në të gjitha sondazhet. Këtu të paktën të gjithë sondazhet bien dakord. Një parti që ndërron emrin është si një ish trafikant droge që vjen në Shqipëri si investitor dhe merr një emër dhe identitet të ri. Një parti që nuk ka problem me pastërtinë nuk ka nevojë të ndërrojë emrin”, deklaroi ai./abcnews.al
