Të paktën 15 ushtarë armenë u vranë dhe tre të tjerë u plagosën pasi një zjarr shpërtheu në kazermat ushtarake. Zjarr shpërtheu rreth orës 1:30 të mëngjesit me orën lokale.
Kjo është bërë e ditur nga Ministria e Mbrojtjes e Armenisë, duke shpjeguar se zjarri ka shpërthyer për arsye që ende nuk janë përcaktuar, ndërsa ushtarët e plagosur janë në gjendje kritike.
Kazermat ndodhen në territorin e fshatit Azat, në zonën e Gegharkunikut, rreth 80 kilometra në lindje të kryeqytetit Jerevan.
Gushtin e kaluar, një shpërthim shkaktoi një zjarr në një treg të ngarkuar në kryeqytetin e Armenisë Jerevan, duke shkaktuar dhjetëra viktima.
/abcnews.al
