Princi Harry vazhdon të jetë i zënë. Pas dokumentarit “Harry & Meghan” në Netflix, ai është sërish në qendër të mediave për shkak të librit “Spare”. Harry ka zbuluar shumë kujtime të fshehta, të cilat kryesisht kanë të bëjnë me marrëdhëniet e tij me anëtarët e familjes mbretërore.
Princi Harry përmend ndër të tjera edhe pseudonimin që i është vënë në Pallat. Në veçanti, ai argumenton se për të gjithë ai ishte “rezervë” ndërsa vëllai i tij William ishte trashëgimtari.
Ai shpjegon, në fakt, se roli i tij në familje ishte i qartë që në fillim. Si pasojë, ai duhej të ishte një hap prapa vëllait dhe mbretit të ardhshëm.
Në një parathënëie të publikuar nga gazeta The Guardian, Princi Harry pretendon se Mbreti Charles i tha Dianës në ditën e lindjes së tij: “E mrekullueshme! Më ke dhënë një trashëgimtar dhe një ‘rezervë’… Puna ime u krye”.
Autobiografia e Dukës së Sussex hyn në detaje rreth marrëdhënies së tij të prishur me William. Ndër pretendimet e tij të tjera në “Spare” janë akuzat për njerkën e Harry-t, Camilla, që dyshohet se zbuloi histori në shtyp.
Duka përshkruan gjithashtu grindjen midis gruas së tij Meghan dhe kunatës së tij Kate përpara dasmës mbretërore në 2018./abcnews.al
