Apeli i Posaçëm ka refuzuar kërkesën e ish-ministrit Lefter Koka për zbutje të masës së sigurisë, duke e lënë në këtë mënyrë në burg.
Koka kërkoi ndryshim mase me argumentin se vuan nga probleme të shëndetit me zemrën.
Rreth 150 milion lekë, janë përvetësuar nga ish-ministri i Mjedisit, Lefter Koka, i cili aktualisht ndodhet pas hekurave për aferën korruptive të inceneratorit të Elbasanit.
SPAK ka bërë të ditura të dhëna hetimore sa i përket aferës së inceneratorëve, e konkretisht atij të Fierit dhe të Elbasanit, duke saktësuar se 146,083,071 Lekë i është dhënë ish-ministrit të Mjedisit Lefter Koka për të favorizuar kompaninë fituese.
Nga hetimet e SPAK rezulton se kompania që ka fituar koncesionin e Fierit, Integrated Technology Waste Treatment Energy dhe kompania tjetër që ka zbatuat punimet për ndërtimin e inceneratorit të Fierit, Integrated Technology Services, kanë qarkulluar fatura fiktive tatimore për punime, që në fakt sipas SPAK, në të vërtetë nuk janë kryer.
/abcnews.al/
