Një medikament i prodhuar së fundmi për luftimin e Alzheimerit mund të shënojë “fillimin e fundit” të një kërkimi që ka zgjatur prej dekadash për një trajtim efektiv kundër sëmundjes. Lecanemab u zbulua se ndalon humbjen e kujtesës dhe problemet e të menduarit nga pacientët në fazat më të hershme.
Rezultatet nga testet klinike të fazës së tretë për medikamentin, që jepet si injeksion çdo dy javë, treguan se ai ngadalëson përparimin e sëmundjes me rreth 27 për qind pas 18 muajsh. Lecanemab pastron grumbullimet e amiloidit, pllaka toksike në tru që mendohet se shkaktojnë sëmundjen e rëndë.
Gjigandi farmaceutik me bazë në Tokio, Eisai, i cili zotëron të drejtat për medikamentin, së bashku me firmën amerikane Biogen, raportoi rezultatet fillestare në shtator nga një fazë testesh me 1,795 pjesëmarrës me Alzheimer të hershëm.
Rezultatet e plota nga studimi janë publikuar që atëherë në The New England Journal of Medicine.
Profesor John Hardy, drejtues i grupit në Institutin e Kërkimit të Demencës të Kolegjit Universitar të Londrës, tha: “Ky test është një hap i parë i rëndësishëm dhe unë me të vërtetë besoj se përfaqëson fillimin e fundit. /abcnews.al/
