Ka ndërruar jetë në spital Çaush Shehaj, 89-veçari i cili ra pre e grabitjes me armë në banesën e tij.
Autorët e dyshuar të ngjarjes, Ervis Halimi, 22 vjeç dhe Musa Gudo, 28 vjeç janë arrestuar nga policia.
Sipas njoftimit të bluve, ngjarja ka ndodhur rreth orës 02:30 të mëngjesit të djeshëm në fshatin Klos, Mallakastër.
Abc mëson se dy autorët e dyshuar, nën kërcënimin e armës kanë grabitur vetëm 5000 lekë.
Lexo edhe: Nën kërcënimin e armës vodhën me dhunë të moshuarin në Klos, arrestohen 2 persona
I moshuari pas ngjarjes, u dërgua në spital ku dhe ndërroi jetë nga plagët e marra.
Në gjendje të lirë është proceduar një i mitur, 16-vjeçari F.Ç për veprën penale “Moskallëzimi i krimit”.
Ndërsa në cilësinë e provës materiale u sekuestrua arma e zjarri tip automatik me një krehër me fishekë./Abcnews.al/
