mallakaster

protestaaa.jpg
eri Ida11:25 | 14/02/2020

Vijon greva e urisë së punonjësve të nenstacionit elektrik dhe stacionit të pompimit në Pocem të Mallakastres.

Informacionet bëjnë me dije se në greve urie aktualisht janë 14 punonjës, ndërsa njeri prej tyre ka pasur dhe komplikacione me shëndetin. Pasi ka marrë ndihmë mjeksore është rikthyer në grevë, deri tani nuk kane marre asnjë përgjigje për zgjidhjen e situatës.

27 paga janë të papaguara.  Ndërkohë nuk kanë stakuar energjinë dhe ujin, për riparin e defekteve nuk ndërhyjnë dhe për të ngritur fiderat kur bien vijnë specialiste të OSHEE./abcnews.al

inae.jpg
in a10:37 | 24/01/2020

Banorët Mallakastrës kanë mbetur pa energji dhe ujë të pijshëm. Vendimin e morën punonjësit e stacionit të pompave të ujit pasi kanë rreth 27 muaj pa marrë pagat. Ata stakuan energjinë në stacion. Ndërsa OSHEE ka reaguar pas këtij akti që e quan të paligjshëm dhe ka bërë kallëzim në organet e drejtësisë për punonjësit që stakuan energjinë.

Ky është një prej punonjësve të stacionit të pompimit të ujit që furnizon Mallakastrën. Pas privatizimit të këtij stacion ai  së bashku me 17 punëtorë të tjerë prej më shumë se 2 vjet nuk merr pagën në mënyrë të rregullt dhe në shenjë proteste kanë ndërprerë energjinë dhe për pasojë dhe furnizimin me ujë të banorëve dhe bizneseve të zonës.

“Edhe skllevër të ishim në piramidat e Egjiptit do të na jepnin bukë për të ngrënë.

“Kemi ngelur në kushte të vështira, nuk rezistojmë dot më”, shprehet një protestues

“As siguracionet për pension nuk janë paguar, jam detyruar të braktis punën”, u shpreh një tjetër banor.

Kompania që e ka privatizuar stacionin e pompimit të ujit është ajo që ka dhe rafierinë e Ballshit dhe punonjësit kanë dyshime për seriozitetin e saj.

“Gjatë gjithë kësaj kohe kjo kompani ndryshon emrin një herë në gjashtë muaj. Ne nuk  e kemi ndërprerë punën asnjë ditë. Kemi 27 muaj pa lekë”.

Këta punonjës i janë drejtuar dhe kryeministrit Rama por s’kanë marrë zgjidhje.

“Kemi dërguar letër kryeministrit, na ka kthyer përgjigje që do ta marrë përsipër institucioni përkatës, duke thënë se nuk mban përgjegjësi sepse është institucion privat”, thotë një nga banorët.

Por vendimin e tyre për lënë pa ujë e drita banorët e Ballshit Operatori i Shpërndarjes së Energjisë Elektrike e quan të paligjshëm dhe ka paditur ata në organet e drejtësisë. /abcnews.al

babai.jpg
in a15:29 | 14/01/2020

Si të mos mjaftonte vetëm krimi që djemtë e tyre kryen, familjarët e tre të rinjve të akuzuar për vrasjen e Drita Saliajt në fshatin Gjerbës të Mallakastrës janë njohur me detaje të tjera nga ngjarja e rëndë e 5 janarit.

Publikimi i dosjes ku tregohej se viktima para se të vritej ishte përdhunuar ka thelluar akoma më shumë dhimbjen në familjet Zotaj dhe Saliaj.

Në një interevistë për “Abc News” babai i Evis Zotaj, emri i të cilët lakohet se ka kryer përdhunimin nuk e pranon që djali i tij ta ketë kryer atë veprim.

“I njoh fëmijët e mi, nuk jemi nga ajo familje”, shprehet babai.

Për  Syrja Zotaj djali i tij duhet të dënohet maksimalisht nga drejtësia, madje ai shkon edhe më tej.

“I bëj thirrje shtetit të marrë masë, ta sjeellë në Mallakastër dhe ta pushkatojë”, thotë ai.

Mamaja e Luis Saliajt pa e fshehur dhimbjen është shprehur se djali i saj e kishte si nënën e tij Dritën dhe nuk do ta bënte kurrë një krim të tillë ndaj 51 vjeçares.

“Këtë të fundit nuk e besoj. Luisi e kishtë nënë Dritën është shumë e rëndë kjo”, thotë mamaja.

Ajo kërkon nga drejtësia që të zbardhet e verteta që djali i saj dhe dy të tjerët të marin dënimin që meritojnë.

“Nëse ai e ka bërë këtë punë, të marrin atë që meritojnë”, shprehet ajo.

Në vendimin e gjykatës të siguruar nga “Abc News” u zbardhën dëshmi tronditese të të rinjve. Sindi Shehaj ka rrëfyerse Luis Saliaj dhe Ervis Zotaj shkuan në banesën e Drita Saliajt për të blerë hashash, por nuk kishin rënë dakord për çmimin dhe Ervisi më pas e përdhunoi atë. Pas këtij veprimi ata e kanë lidhur, goditur dhe e kanë hedhur 51 vjeçaren në rezervuarin e fshatit./abcnews.al

qerim-ismailaj-1-1.jpg
nev ila12:28 | 14/01/2020

Prokuroria e Përgjithshme ka nisur verifikimet për kryebashkiakun Qerim Ismailaj, ku veprimi i parë kryesor është marrja e gjurmëve të gishtave, dhe pas dy ditëve do të dërgohet kërkesa kryebashkiakut të Mallakastrës, që të paraqitet në laboratorin e kriminalistikës, për depozitimin e gjurmëve të gishtërinjve.

Në bazë të gjurmëve të gishtërinjve do të bëhen dhe gjithë verifikimet në Shqipëri dhe në Greqi.

Sipas raportimit të gazetares Glidona Daci për ABC News, njësia e dekriminalizimit në Prokurorinë e Përgjithshme, pritet që në ditët në vijim të nisë dhe një letër porosi, drejt autoriteteve greke, për të marrë një përgjigje zyrtare, nëse të dhënat që janë publikuar në dokumentin e PD, rezulton i vërtetë ose jo.

Në bazë të përgjigjes së autoriteteve greke do të bëhen dhe akt-kalimet e dosjes, e cila do ti kalojë Prokurorisë së Tiranës pasi kjo e fundit, ka kompetencën për të vijuar hetimet për kryebashkiakun e Mallakastrës./abcnews.al

mallakaster-2-1280x576.jpg
in a09:29 | 10/01/2020

Drita Saliaj është 50-vjeçarja e cila u sulmua më 5 janar, në shtëpinë e saj nga tre persona që kishin shkuar për të vjedhur.

Luis Saliaj 16 vjeç, Sindi Shehaj po 16 vjeç dhe Ervis Zotaj 26 vjeç, pasi kanë hasur në rezistencën e zonjës së shtëpisë e kanë goditur atë dhe më pas trupin e kanë hedhur në rezervuarin e fshatit.

Masa e sigurisë për të tre të pandehurrit pritej të zhvillohej ditën e sotme, por një gjë e tillë nuk ka ndodhur.

Dosja e tyre ka mbërritur në Gjykatën ne Fierit, ndërsa masa për të tre autorët pritet të vendoset nesër.

Gazetarja Valbona Davidhi raporton për abcnews.al se familjarët të revoltuar kërkojnë që gjykimi i Luis Saliajt të jetë nga më të rëndët. “Ka qënë xhaxahi i Luis Saliaj ai që e ka dorëzuar në polici dhe pjesa më e madhe e të afërmeve janë shprehur se djali ishte problematik.

Ndërkohë reagim ka pasur vetëm nga bashkëshorti i Drita Saliajt ndërsa dy djemtë kanë qëndruar larg mediave. “Ai pret që të vendoset drejtësia në vend, dënimi i tyre sipas ligjit shqiptar për dy të miturit parashkohet të jetë më i butë”, raporton gazetarja./abcnews.al

xhaxhi-1280x720.jpg
in a11:15 | 09/01/2020

Një ngjarje makabre ka ndodhur më 5 janar në fshatin Gjerbës të Mallakastrës, ku një 16-vjeçar dhunoi e vrau nusen e xhaxhait, me dy shokë të tij me të cilët kishte hyrë në banesë për ta grabitur. Drita Saliaj u gjet e pajetë në rezervuarin e fshatit dy ditë pas ngjarjes, nga polumbarët e forcave RENEA. Nipi i bashkëshortit të 50-vjeçares, (djali i vëllait), Luis Saliaj së bashku me dy të rinj, shokë të tij, S.Shehaj 16 vjeç banues në Çërrillë dhe Ervis Zotaj 26 vjeç banues në Gjerbës, të tre të arestuar, kanë shkuar në banesën e 50-vjeçares për të grabitur. Gruaja i ka shërbyer edhe kafe djalit të kunatit dhe shokëve të tij, por më tej e kanë goditur dhe dhunuar, ndërsa më pas e kanë lidhur dhe e kanë hedhur në rezervuarin e Lumarës, 3-4 kilometra larg shtëpisë së saj, ku dhe u gjet e pajetë një ditë më pas.

Në një rrëfim xhaxhai i Luisit, Ilir Saliaj thotë se nipi i tij ishte një fëmijë i parregullt.

“Në datën 5 më merr mamaja e Luisit në telefon dhe më thotë se diçka ka ndodhur. Jemi nisur drejt fshatit ku Luisi është nip. Nuk e mbajta dot veten dhe e kam dhunuar për të më treguar se çfarë ka ndodhur. Ai më thotë se nuk ka marrë pjesë në vrasje, e kanë bërë të tjerë. Në moment nisemi drejt komisariatit të Policisë Mallakastër. Policia kur e kemi dorëzuar e mori dhe e kanë ngjitur në katin e tretë ku ishte shefi i komisariatit, fëmija i ka treguar të gjitha. Ka thënë se ka shkuar me një shok tjetër, kanë pirë kafe, më pas e kanë vrarë. Nipi është shprehur se nuk ka marrë pjesë në vrasje, dhe gjithashtu ka treguar se e kanë mbytur me peshqir. Më pas e ka marrë dikush tjetër nga fshati që e ka hedhur. Policia ka marrë po djalin nga fshati Çërrilë.

Xhaxhai ka folur për nipin e tij duke u shprehur se cilësohej si fëmijë i parregullt.

“Është djali i keq, i hedhur, përdorues hashashi, është djalë pa shkollë. Një fëmijë mashtrues dhe nuk mund ti besosh asnjë fjalë”, tha ai.

I pyetur se nëse familja ka pasur konflikte me familjen e të ndjerës ai shprehet se nuk ka pasur, vetëm disa fërkime të vogla.

Ai thotë se nuk i kanë pranuar në varrim, “sipas të dhënave që kemi dëgjuar ndoshta familjarët nuk e dinë versionin e saktë” tregon ai.

Ai tregon se mamaja e Luisit është në gjendje të rëndë. I pyetur për deklaratat e banorëve të zonës të cilët kanë thënë se mamaja e Luisit ka shkuar pranë familjes së Dritës, ai thotë se kjo nuk është e vërtetë. “Ajo është larguar në datën 27 dhjetor nga fshati Gjerbës dhe është vendosur te i ati. Luisi gjatë këtyre ditëve pothuajse ka qenë i larguar nga shtëpia, vinte në darke”, tregon ai.

Më tej ai tha se për këtë që Luisi ka bërë dua drejtësi edhe të varet. Familjes së viktimës u kam borxh kokën pavarësisht se këtë e ka bërë nipi, ata janë në të drejtën e tyre”, tha ai.

Gjithashtu ai bën një thirrje që të mos deformohen gjërat, e vërteta është kjo që po them unë. Xhaxhai i tij thotë më tej se nuk do ta takojë nipin e tij sa të jetë gjallë, ndërsa thotë se babai i Luisit ka rënë në gjendje shoku. “Të dy prindërit janë në gjendje të rëndë”, thotë ai.

adoleshente-1280x720.jpg
nev ila19:50 | 08/01/2020

Pas arrestimit, tre të rinjtë, edhe pse kanë hezituar fillimisht të flasin, nuk kanë rezistuar gjatë. Nipi i burrit të viktimës, L. S., ka filluar të qajë gjatë marrjes në pyetje nga oficerët e Policisë.

Burimet njoftojnë se ai është shprehur para hetuesve se e ka frikë burgun. Ai ka arritur ta pranojë edhe krimin, duke thënë se u duheshin paratë, por çdo gjë u iku nga kontrolli pasi gruaja e kishte njohur dhe kishte nisë të bërtiste.

Neve donim vetëm të merrnim paratë. Ajo më njohu dhe filloi të bërtiste, duke na trembur se mund ta na gjente Policia brenda. Nuk e kishim menduar ta vrisnim. Na doli jashtë kontrollit situata. Ju lutem, më falni se e kam frikë burgun”, mësohet të ketë thënë për hetimin 16-vjeçari L. S.

Krimin e kanë pranuar edhe shokët e tij, bashkëpunëtorë. Edhe ata kanë thënë se nipi i familjes i ka orientuar duke u thënë se në shtëpi nuk ka njerëz, por kur kanë ndeshur në rezistencën e gruas, kanë bërë edhe lidhjen e saj dhe më pas vrasjen dhe hedhjen në rezervuar.

Sipas informacioneve të grupit hetimor, gjendja e tyre psikologjike është mjaft e rëndë, ndërsa gjatë gjithë kohës 16-vjeçari, i cili është edhe nipi i burrit të viktimës, ka qenë duke qarë. Pas zbardhjes së krimit të rëndë, në Polici janë shoqëruar edhe familjarët e viktimës dhe autorëve të dyshuar.

Të afërmit e 50-vjeçares që bënë edhe denoncimin mëngjesin e djeshëm për zhdukjen e saj, kanë hedhur akuza të rënda ndaj të rinjve. Ata janë shprehur se autorët duhet të vuajnë dënimin më të rëndë për veprimin që kanë kryer. Ndërkohë, familjarët e autorëve janë pyetur nëse kanë pasur dijeni rreth veprimeve të të rinjve.

Po ashtu, ata mësohet të jenë shprehur se ditët e fundit i mituri ka qenë mjaft i heshtur dhe rrinte i menduar. Por kjo nuk i ka shtyrë ata që ta pyesnin se çfarë kishte ndodhur me të. Ngjarja ka ndodhur më 5 janar, ndërsa Policia bëri me dije se janë arrestuar tre persona për vrasjen, nipin e burrit të viktimës dhe dy shokë të tij./abcnews.al

adoleshente-1280x720.jpg
ger ta18:15 | 08/01/2020

Ata në foton e mësipërme janë dy adoleshentët që  i morën jetën 50-vjeçares në Mallakastër, pasi u futën në banesën e saj si mysafirë.

Drita Saliaj gruaja që jetonte e vetme pasi bashkëshorti dhe djemtë punonin në Greqi në vend të mbrohej nga të afërmit u masakrua, nga i afërmi 17 vjeçari Luis Saliaj dhe dy shokët e tij.

Gazetarja Valbona Davidhi ka qënë në Gjerbës të Mallakastrës dhe ka biseduar me bashkëshortin e saj që është i tronditur dhe kërkon vetëm drejtësi.

Kjo ngjarje që ndodhi në këtë zonë të qetë ka tronditur thellë dhe banorët e fshatit dhe mikeshat e saj.

Nuk dihet ende nëse të adoleshntët e kishin planifikuar këtë ngjarje pasi kishin hyrë në banesë miqësisht kishin pirë dhe kafe, por më pas rezultoi se ata kishin qëllim të vidhnin paratë pasi kishin informacion se bashkëshorti i Dritës kishte shitur bagëtitë. Mësohet se paratë ishin depozituar në bankë dhe ata nuk i gjetën dhe morën vetëm sende me vlerës dhe  një armë gjahu të cilën nuk e vunë në përdorim.

Trupin e 50 vjecares e transportuan me një makinë benz. Autorët udhëtuan 7 km në rrugë të pakalueshme drejt rezervuarit të fshatit me qëllim zhdukjen e trupit. Mësohet se pas kthimit ata kanë plaçkitur edhe shtëpinë e kunatit të viktimës. Këto janë pamjet e banesës.

Këtë fakt e pohon dhe vetë kunati i Dritës, Mitati.

Policia po dokumenton ngjarjen pasi arrestoi autorët. Këta të fundit mësohet se kanë pranuar krimin. 17 vjeçari banonte vetëm disa metra larg shtëpisë së viktimës, po kështu dhe një prej shokëve të tij, ndërsa tjetri tek fshati fqinj.

Në mesditë Drita Saliaj u përcoll mes lotësh për në banesën e fundit./abcnews.al

 

 

 

 

 

 

gjerg.jpg
in a10:42 | 08/01/2020

I ftuar në “ABC e mëngjesit” me Enkel Demin, gazetari Sokol Bregu ka folur për vrasjet në të cilat është përfshirë vendi. Ai u shpreh se Policia duhet të ndërrmarë masa për shkak se qytetarët po rrezikohen.

“Fakti që askush nuk e ka frikë policinë më shqetëson. Ngjarja më e rëndë është ajo e Mallakastrës, hajdutët në këtë vend vrasin. Ku është Policia në këto raste. Një polici e cila nuk bën një analizë rrisku, duhet të ngrihet dhe të shqetësoshet. Ka hajdut të armatosur”, deklaroi Bregu.

Ai shprehet se policia ka për detyrë të bëjë një analizë më të hollësishmë dhe të marrë masa më të mëdha.

“Të rinjtë shqiptarë janë harruar. Prej kohësh policia ka një problem shumë të madh, është shkatërruar i gjithë sistemi i informacionit. Në një vrasje paratë nuk bëjnë punë”, tha ndër të tjera Sokol Bregu./abcnews.al

vrasje.jpg
in a08:58 | 08/01/2020

Një vrasje makabre ka ndodhur më 5 janar në Mallakastër, për të cilën janë arrestuar 3 persona.

Drita Saliaj është vrarë nga nipi 17 vjeçar i bashkëshortit të saj, që bashkë me dy shokë të tij kishte shkuar të grabiste, në banesën ku 50 vjeçarja jetonte e vetme. Tre të rinjtë e kanë goditur e lidhur, e me pas e kanë hedhur në rezervuarin e fshatit.

Trupi i 50 vjeçares u gjet nga polumbarët e Reneas, pasi familjarët kishin denoncuar në polici zhdukjen e saj, prej dy ditësh.

Gazetarja Valbona Davidhi në një lidhje më “ABC e mëngjesit”, raporton se ka qenë një ngjarje tronditëse, e paprecedentë. Fshatrat e Mallakastrës shquhen për një kriminalitet të ulët. Denoncimi u bë nga familjarët pasi 50 vjeçarja rezultonte e humbur. Gazetarja mëngjesin e sotëm raportoi nga banesa e familjes dhe bën me dije se po bëhen përgatitjet për ti dhënë lamtumirën. “Kanë mbërritur me urgjencë, bashkëshorti dhe djemtë. Përpara festave bashkëshorti ka shitur bagatitë dhe për këtë arsye kanë menduar se do të kishtë një shumë parash në shtëpi. Banorët kanë mbetur të tronditur nga ngjarja”, raporton gazetarja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono