Një burrë që mbërriti në Mbretërinë e Bashkuar me një varkë të vogël një javë më parë dhe po mbahej në një qendër pritjeje ku ka edhe shqiptarë, ka vdekur, tha të shtunën Zyra e Brendshme. Ai u sëmur ndërsa ishte në qendrën e paraburgimit në Kent dhe u dërgua në spital, por më vonë vdiq.
Mësohet se ai ka mbërritur më 12 nëntor dhe është sëmurur të premten në mbrëmje.
“Mund të konfirmojmë se një person që qëndronte në Manston ka vdekur këtë mëngjes (të shtunën]) në spital pasi nuk ishte mirë”, tha një zëdhënës i Home Office.
“Dëshirojmë të shprehim ngushëllimet tona të përzemërta për të gjithë të prekurit. Derisa të bëhet një ekzaminim pas vdekjes, nuk mund të komentojmë në detaje, por në këtë fazë nuk ka asnjë provë që të sugjerojë se kjo vdekje tragjike është shkaktuar nga një sëmundje infektive. Ne e marrim sigurinë dhe mirëqenien e atyre që janë në kujdesin tonë jashtëzakonisht seriozisht dhe ofrojmë objekte shëndetësore 24/7 me staf mjekësor të trajnuar në Manston”, tha zëdhënësi.
Azilkërkuesit në Manston do të marrin mjekime kundër difterisë pas rritjes së rasteve Rasti i është referuar mjekësisë ligjore dhe Zyrës së Pavarur për Sjellje të Policisë.
Kjo mendohet të jetë vdekja e parë e dikujt që mbahet në Manston.
Objekti ofron akomodim bazë të përkohshëm për të ardhurit me varka të vogla ndërsa ato i nënshtrohen filtrimit dhe mund të mbajë 1,000 njerëz, me një maksimum prej 1,600, por u përshkrua në tetor si “katastrofikisht e mbipopulluar”.
Manston është goditur nga një seri skandalesh duke përfshirë raporte për sëmundje infektive si difteria, roje që u shesin drogë azilkërkuesve dhe disa të ardhur të rinj që kanë mbetur të bllokuar në Londrën qendrore. /abcnews.al
