Ministri i Jashtëm ukrainas Dmytro Kuleba tha sot se “lufta vazhdon” edhe pas suksesit të ushtrisë ukrainase në Kherson.
“Lufta vazhdon,” u tha Kuleba gazetarëve në Phnom Penh, gjatë një takimi me kryeministrin australian Anthony Albanese në margjinat e samitit të Shoqatës së Kombeve të Azisë Juglindore (ASEAN).
“E kuptoj që të gjithë duan që kjo luftë të përfundojë sa më shpejt. Ne jemi sigurisht ata që e dëshirojmë më shumë se kushdo tjetër”, tha ai.
“Por ndërsa lufta vazhdon dhe ne po shohim Rusinë duke mobilizuar gjithnjë e më shumë trupa në Ukrainë, ne sigurisht që do të vazhdojmë të mbështetemi te ndihma juaj pa kushte,” tha Kuleba.
Kryeministri australian tha se “shënjestrimi i vazhdueshëm i civilëve ukrainas nga forcat e Vladimir Putinit duhet të dënohet patjetër.
/abcnews.al
