Vjeshta është një nga kohët kur zakonisht vendosim të bëjmë ndryshime në flokët tanë. Çfarë më mirë se të zbatosh diçka moderne, por që i ka rrënjët nga vitet e largëta të 90-ta?
Këtu kemi mbledhur 6 femra të famshme që e duan modën e kësaj dekade dhe kanë “tërhequr” disa modele flokësh nga atëherë, duke i zbatuar ato edhe sot.
Hidhini një sy më poshtë dhe frymëzohuni për ndryshimin tuaj:
LUCY HALE
Aktorja e lezetshme e Pretty Little Liars ka aplikuar në kokë një prerje flokësh të shkurtër bob me një qethje të thellë në njërën anë, gjë që i shkon shumë. Elementi akoma më i madh i viteve ’90 është se asaj i pëlqen t’i dekorojë flokët me kapëse të vogla fluturash, të cilat ishin trendi më i mirë në atë kohë!
YARA SHAHIDI
Yara ka lançuar modelin e fundit të flokëve të viteve ’90, të frymëzuar nga Spice Girls, me topuz të vegjël që zbukurojnë të gjithë kokën!
DUA LIPA
Nuk ka një model flokësh të viteve ’90, i cili ishte i kompletuar pa disa ‘bobs’ përgjatë vijës së kokës. Këngëtarja e njohur ka zgjedhur të bëjë një topuz të çrregullt me kujdes me dy tufa në pjesën e përparme të kokës duke rënë lirshëm!
KENDALL JENNER
Modelja e famshme ka bërë modelin e flokëve më të pëlqyer të viteve ’90. Gërsheti i gjatë me flluska! E thjeshtë, elegante dhe e fortë. I mbani flokët poshtë me një llastik dhe e lidhni gërshetin me llastiqe të tjera çdo disa centimetra, ndërkohë që hapni tufat në mes që të duken si flluska!
BELLA HADID
Bella njihet për dobësinë e saj për çdo gjë retro. Kështu që shpesh e shohim atë duke tërhequr trendet e viteve ’90. Një nga më të dashurit e saj është kapja e flokëve me kapëse të mëdha flokësh!
HAILEY BIEBER
Hailey gjithashtu pëlqen shumë pjesë të viteve ’90, si bishti i lartë, i mbajtur me lidhëse!
/abcnews.al
