Qyteti nigerian, Igbo-Ora është bërë mjaft popullor për një arsye të pazakontë. Pothuajse çdo familje në këtë qytet ka binjakë ose një numër të madh fëmijësh. Në 12 vitet e fundit, autoritetet kanë organizuar një festival vjetor në nder të binjakëve, raporton NPR.org.
Ngjarja e këtij viti, e mbajtur në fillim të këtij muaji, përfshiu më shumë se 1,000 çifte binjake dhe tërhoqi pjesëmarrës dhe nga vende të tjera si Franca. Nuk ka asnjë shpjegim të provuar shkencor për shkallën e lartë të binjakëve në Igbo-Ora, një qytet me të paktën 200,000 njerëz.
Por shumë banorë besojnë se kjo ka të bëjë me dietat e grave. Alake Olaëunmi, një nënë e binjakëve, ia atribuon atë një ushqimi lokal të quajtur amala. Gjinekologu John Ofem thotë se “ka gjëra që hahen atje që kanë nivele të larta të disa hormoneve që çojnë në një fenomen të quajtur ovulim i shumëfishtë”.
Ndërsa kjo mund të shpjegojë shkallën më të lartë se zakonisht të binjakëve në Igbo-Ori, qyteti ka gjithashtu një numër të konsiderueshëm binjakësh identikë. Ata janë rezultat i ndarjes së një veze të fekonduar në dy, por kjo nuk është për shkak të hiperovulacionit.
