Kremlini ka hedhur poshtë raportet për një eksod të burrave rusë pas njoftimit të Vladimir Putin për një mobilizim të pjesshëm, duke e cilësuar si “të ekzagjeruar”, shkruan The Guardian.
Të dhënat treguan se biletat për fluturimet nga Moska për në kryeqytetet e Gjeorgjisë, Turqisë dhe Armenisë, të gjitha destinacionet që lejojnë rusët të hyjnë pa vizë, u shitën brenda disa minutave nga njoftimi i Putinit të mërkurën.
Në konferencën e tij të rregullt me gazetarët, zëdhënësi i Kremlinit Dmitry Peskov refuzoi gjithashtu të mohonte raportet e mediave ruse se disa protestuesve të arrestuar të mërkurën mbrëma u ishin dhënë draft dokumentet, duke u thënë:
“Kjo nuk është në kundërshtim me ligjin”.
Lexo edhe: Raporti: Putini do të urdhërojë një milion rusë të luftojnë në Ukrainë
Një milion qytetarë rusë mund të detyrohen të luftojnë në Ukrainë, si pjesë e lëvizjes mobilizuese të Vladimir Putin, sipas një raporti të një gazete ruse.
Në një fjalim televiziv drejtuar kombit të mërkurën, presidenti rus tha se shërbimi ushtarak do të zbatohet vetëm për “qytetarët që janë aktualisht në rezervë, veçanërisht ata që kanë shërbyer në forcat e armatosura, kanë profesione të caktuara ushtarake dhe përvojë përkatëse”.
/abcnews.al
