Laçi pësoi humbjen e tretë radhazi, këtë herë në shtëpi kundër Bylisit. Trajneri Dejan Vukiçeviç për Oversport deklaroi: “Është ndeshja e tretë radhazi që ndodh që mundemi me rezultat minimal. Ndodhi si në takimet e tjera dhe është e pashpjegueshme deri diku.
Kemi humbur 1-0 tre herë, e pamundur, e pashpjegueshme, nuk ndodh. Ishte një ndeshje me shumë raste dhe duhej durim që të mos pësonim, por një gabim në linjën e fundit dhe kemi pësuar, kështu iku ndeshja.
Sigursht me shqetëson shumë që ekipi nuk ka shënuar. Nuk ka shënuar në Europë në 2 ndeshje, ka shënuar vetëm 2 gola, tani kemi shënuar vetëm një gol në këto tre ndeshje dhe ky është problemi kryesor.
Adeleke, meqë nuk i shkon topi, po kërkon zgjidhje, i nevojitet hapësirë dhe nëse ia dalim të gjejmë hapësira është mirë, se varet nga mesfushorët. Nëse i vjen topi, mirë, nëse jo, do të kemi probleme”, u shpreh Vukiçeviç. / abcnews.al
