Lajçak: Bisedova gjatë mbrëmë me Vuçiçin për targat

I dërguari i BE-së, Miroslav Lajcak, thotë se mbrëmë ka pasur një bisedë të gjatë me presidentin e Serbisë, Aleksandër Vuçiç.

Lajcak ka shkruar se është e rëndësishme që të gjenden zgjidhje pas situatës me targat, përkatësisht vendimin e qeverisë së Kosovës.

“Mbrëmë, pata një diskutim të gjatë me presidentin Vuçiç rreth gjendjes së dialogut dhe hapat e tjerë që nevojite, sikurse edhe situatës rreth targave të veturave. Theksova rëndësinë e gjetjes së zgjidhjeve përmes negociatave”, ka thënë ai.