Presidenti ukrainas Volodymyr Zelensky ka vizituar sot qytetin port jugor, Mykolaiv në një udhëtim të rrallë jashtë kryeqytetit, Kiev.
Në pamjet e publikuar nga zyra e tij, ai shihej duke parë një ndërtesë banimi të dëmtuar rëndë në qytet, ndërsa është takuar me zyrtarë rajonalë, duke përfshirë kreun e administratës rajonale të Mykolaiv, Vitaliy Kim.
Zyra e tij tha se ata diskutuan gjendjen e ekonomisë, rivendosjen e furnizimit me ujë dhe situatën bujqësore, raporton BBC.
“Vëmendje e veçantë iu kushtua kërcënimeve nga toka dhe deti. Ne nuk ndalemi së punuari për fitore”, thuhet në deklaratë.
Vizita e tij vjen një ditë pasi një sulm rus vrau dy persona dhe plagosi 20 të tjerë në qytet. Qyteti është shënjestruar rregullisht nga sulmet e artilerisë dhe raketave ruse, thonë zyrtarët. /abcnews.al
