Një ngjarje e rëndë ka ndodhur mbrëmjen e sotme, pasi një makinë “Range Rover” me dy persona brenda nuk i ka ndaluar patrullës së policisë, por ka përplasur dy efektivët.
Burimet për Abc bëjnë me dije se një automjet që lëvizte në krah të kundërt nuk i është përgjigjur urdhrit për të ndaluar dhe ka përplasur dy efektivë, ku njëri prej tyre ndodhet në spital jashtë rrezikut për jetën.
Forcat e policisë janë vënë në ndjekje dhe kanë bërë të mundur të kapin vetëm njërin nga autorët të cilit i është kapur një armë zjarri me vete, ndërsa personi i dytë është në kërkim.
/Abcnews.al/
