Antoneta Hoxha, 53 vjeçe, u gjet e vdekur mëngjesin e kësaj të marte në fshatin Vagalat të Memaliajt. Kryeplaku i fshatit, Hodo Hoxha, personi që njoftoi policinë ka treguar për kamerën e ABC News se e ka gjetur viktimën të mbuluar me gjak.
Hoxha tha se e kishte lajmëruar burri i 53-vjeçares për ngjarjen e rëndë. Mësohet se çifti kishte katër fëmijë dhe siç tregoi kryeplaku i fshatit ata nuk kishin pasur probleme më parë mes njëri-tjetrit.
Kryeplaku: Unë i lajmërova. Kur erdhëm ne ka ardhur në orën 4 i shoqi në shtëpi dhe ka thënë “hajde se ka vdekur Neta”. U ngritëm me gruan vajtëm aty dhe e pamë. Ça të shikosh se ishte e mbuluar me gjak. Mos e kapni me dorë tha se e kanë vrarë. Kaq na tha.
E ka vrarë vetë ai?
Kryeplaku: Nuk e di. S’ta shpjegoj dot atë. E natë vrarë tha.
A kishin probleme më përpara?
Kryeplaku: Nuk kishin probleme.
Sa fëmijë kishte çifti?
Kryeplaku: Kishin një djalë dhe tre vajza. Vajzat i ka të martuara dyja në Greqi njërën në Tiranë.
E keni gjetur të gjakosur viktimën?
Kryeplaku: Kur erdha unë në orën katër ishte gjaku ngrirë.
Ku kishte plagë?
Kryeplaku: Ishte çarë këtu te balli me sende të forta.
Antoneta Hoxha u gjet e vdekur nga familjarët jo shumë larg shtëpisë. Policia arrestoi bashkëshortin e saj, Skënder Hoxha, si autor të ngjarjes, i cili pranoi krimin pas disa orësh./abcnews.al
