Loading ...
Një ngjarje e rëndë tronditi Tiranën, mbrëmjen e sotme. Komisariati nr.3 në Tiranë u kthye në skenë krimi, pasi një efektiv qëlloi kolegun me armën e shërbimit, duke i marrë jetën.
Ludian Zaimi, qëlloi me armën e shërbimit Çaush Saliasin, 55 vjeç, ndërsa ky i fundit ndërroi jetë në spital. Në dëshminë e tij, siç mëson gazetarja Xhensila Kodra, autori ka thënë se viktima e ka ngacmuar me fjalë dhe të gjitha këto i kishte akumuluar.
“Para se të merrnin shërbimin ndodheshim në zyrën e ndarjes së turneve. Kam qenë tejet i mbyllur, më ka ngacmuar me fjalë dhe disa herë ofenduese. I kisha akumuluar të gjitha këto deri në mbrëmjen e sotme”, ka thënë ai.
Lexo edhe: Sherri banal përgjaku komisariatin në Tiranë: Autori i ri në polici, viktima 20 vjet efektiv
Sakaq, ngjarja ka ndodhur përpara se efektivët të merrnin shërbimin. Çaush Saliasi ka marrë 5-6 plumba në pjesë të ndryshme të trupit, ndërsa nuk mundi t’u shpëtojë plagëve. Autori kishte vetëm një vit e gjysmë që ishte bërë pjesë e uniformave blu, ndërsa viktima ishte prej 20 vitesh polic.
Grupi hetimor nën drejtimin e Agjencisë së Mbikëqyrjes Policore (AMP) dhe Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes. g.v/abcnews.al
