Akademia e Arteve dhe Shkencave të Filmit njoftoi se do ta mbajë ceremoninë e ndarjes së çmimeve afërsisht dy javë më herët se ceremonia e 94-të e këtij viti. Eventi do të transmetohet në rrjetin amerikan të transmetimit ABC nga Teatri Dolby në Ovation Hollywood.
Nominimet do të shpallen më 24 janar 2023. Afati i fundit i paraqitjes për kategoritë e përgjithshme të hyrjes për Çmimet e Akademisë është 15 nëntori. Më 12 dhjetor do të fillojë votimi paraprak dhe listat e shkurtra do të shpallen më 21 dhjetor.
Votimi për nominimet do të zhvillohet midis 12 dhe 17 janar. Nominimet do të shpallen më 24 janar, ndërsa votimi përfundimtar do të zhvillohet midis 2 dhe 7 mars 2023. Kujtojmë që evenimenti i këtij viti bëri bujë pasi Will Smith goditi Chris Rock-un për një batute që bëri për gruan e tij.
Smith kërkoi ndjesë publike ndërsa u përjashtua nga Akademia për 10 vitet e ardhshme.
/abcnews.al
