Një aksident i rëndë ka ndodhur pasditen e sotme në Tiranë. Një çift bashkëshortësh dhe foshnja e tyre 3-mujashe janë përplasur nga një makinë te “Rruga e Kavajës” .
Ngjarja ka ndodhur rreth orës 13:25 te semafori në afërsi të kompleksit “Deliorgji.
Gazetarja e Abc, Xhensila Kodra bën me dije se një makinë me targa të huaja i ka përplasur te vijat e bardha.
“Më datë 08.05.2022, në Rrugën e Kavajës, një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh, të cilët si pasojë janë dëmtuar dhe ndodhen në spital, nën kujdesin e mjekëve”, informon policia.
Pas ngjarjes, shoferi ka lënë makinën në rrugë dhe është larguar.
Grupi hetimor po punon për kapjen e autorit dhe sqarimin e rrethanave të ngjarjes. /abcnews.al/
