Gazetarja dhe producent ja ukrainase e “Radio Evropa e Lirë” Vira Hyrych ndërroi jetë, pasi shtëpia e saj në Kiev u sulmua nga raketat ruse.
Sulmi me raketë ndodhi ditën e djeshme, ndërsa trupi i saj i pajetë u gjet nën rrënoja mëngjesin e sotëm.
Продюсерка Радіо Свобода Віра Гирич загинула внаслідок влучання російської ракети в будинок, у якому вона жила в Києві. Обстріл стався 28 квітня. Тіло загиблої виявили під уламками вранці 29 квітня.https://t.co/H8sIUrfwWs pic.twitter.com/24Iu8kB1Um
— Радіо Свобода (@radiosvoboda) April 29, 2022
Vira Hyrych ka punuar për Radion Evropa e Lirë prej vitit 2018. Paraprakisht, ajo ka punuar për kanalet televizive ukrainase.
Si pasojë e sulmit rus të 28 prillit në Kiev, dy katet e para të ndërtesës 25-katëshe janë shkatërruar pjesërisht dhe më pas ka nisur zjarri.
Sipas autoriteteve të qytetit, katër njerëz tjerë janë dërguar në spital. Sulmet në Kiev kanë ndodhur në ditën e njëjtë kur kryeqytetin ukrainas e ka vizituar Sekretari i Përgjithshëm i Kombeve të Bashkuara, Antonio Guterres./abcnews.al/
