Loading ...
Hakmarrja e Rusisë për fundosjen e anijes “Moskva” ka filluar.
Pas fundosjes së anijes luftarake ruse në Detin e Zi në Odesa, Moska tha se do të shtonte sulmet ndaj Kievit për t’iu përgjigjur sulmeve që ruset pretendojnë se po kryhen nga Ukraina kundrejt tyre.
Ukraina tha se e kishte goditur anijen me raketa, por Rusia pretendoi se Moskva u fundos ndërsa po tërhiqej në port në det të trazuar pasi një shpërthim municionesh shkaktoi një zjarr.
SHBA tha se beson se anija ishte goditur nga dy raketa ukrainase Neptun. Anton Gerashchenko , një këshilltar i Ministrisë së Punëve të Brendshme të Ukrainës, ndau një pretendim në Telegram duke thënë se kapiteni i anijes, Anton Kuprin, vdiq gjatë një “shpërthimi dhe zjarri në bord”.
Shpërthime u dëgjuan në Kiev dhe qytete të tjera pasi anija u mbyt. Herët të premten, Rusia pretendoi se kishte goditur një fabrikë në Ukrainë që prodhon dhe riparon raketa kundër anijeve.
Ministria ruse e mbrojtjes ka pretenduar gjithashtu se forcat e saj shkatërruan një objekt ushtarak në Mykolaiv dhe rrëzuan një avion ukrainas SU-25 pranë Izyum.
/abcnews.al
