Ukraina: Kemi vrarë rreth 20 mijë ushtarë rusë, nga avionët te raketat e shkatërruara

Forcat ruse humbën rreth 19,800 ushtarë në Ukrainë nga fillimi i luftës më 24 shkurt deri më 13 prill.

Bilancin e ka bërë të ditur Shtabi i Përgjithshëm i Forcave të Armatosura të Ukrainës në Facebook , transmeton Ukrinform.

Sipas njoftimit rusët humbën gjithashtu 739 tanke, 1,964 automjete të blinduara luftarake, 358 sisteme artilerie, 115 sisteme raketash, 64 sisteme luftarake kundërajrore, 158 avionë, 143 helikopterë, 1,429 automjete motorike, shtatë varka/prerëse, 713 cisterna të pambushura me karburant, mjete ajrore, 25 njësi pajisje speciale dhe katër sisteme të lëvizshme SRBM.

Për herë të parë, presidenti amerikan Joe Biden ka akuzuar presidentin rus Vladimir Putin për gjenocid në Ukrainë. Presidenti ukrainas Volodymyr Zelensky ka vlerësuar deklaratën e Biden si “fjalë të vërteta të një lideri të vërtetë”.Presidenti rus Vladimir Putin ka thënë se bisedimet e paqes kishin arritur në një ngërç pasi Ukraina bëri pretendime të rreme sipas tij për krime lufte. Ukraina dhe Rusia po zhvendosin forcat e tyre ushtarake në rajonin lindor të Ukrainës të Donbasit, teksa po ndryshohet fokusi i ofensivës ruse.

/abcnews.al