Abc ka siguruar videon ku shihen 2 hajdutë teksa tentojnë të vjedhin një makinë tip Mercedes Benz në Vlorë. Ngjarja ka ndodhur të enjten. 2 persona të paidentifikuar i janë afruar automjetit të parkuar pranë shkollës së mesme Halim Xhelo, në orët e vona të mbrëmjes.
Teksa kanë provuar të hapin makinën kanë bërë zhurmë. Ata janë dëgjuar nga banorë të pallatit të cilët kanë njoftuar pronarin e makinës. Dalja e menjëhershme e pronarit të makinës ka bërë që hajdutët të largohet pa çuar në fund misionin për të vjedhur automjetin. Ngjarja ka ndodhur pasi dogjën dy makina, një Benz dhe një furgon në lagjen Karabash.
Dyshohet se bëhet fjalë për të njëjtët persona. Fillimisht ata nisën të vjedhin 2 makinat në lagjen 15 tetori. Kamerat e sigurisë në lagjen 15 tetori kanë filmuar dy persona të maskuar me kapele dhe maskë. Abc mëson se ata kanë shkuar për të vjedhur të dyja makinat por ka kanë dështuar. Njëra prej makinave nuk ndizej si pasojë e baterisë së shkarkuar kurse tjetra nuk hapej. Ne pamundësi për t’i vjedhur dy autorët i kanë spërkatur me benzinë dhe u kanë vënë flakën. Por nuk e lanë me kaq.
/abcnews.al
