Detaje të reja janë zbuluar nga dosja hetimore e prokurorisë italiane mbi shkatërrimin e grupit të Ergys Dashit në Itali. Ky i fundit u ekzekutua në mënyrë mafioze pak muaj më parë në Ekuador, ku sipas prokurorisë italiane kishte shkuar për të siguruar kokainë në shërbim të grupit të tij në Europë.
Ergys Dashi ishte organizatori i grupit dhe personi përgjegjës për të sjellë drogën nga Amerika Latine në Europë përmes Holandës, ndërkohë që organizonte edhe rrjetin e shpërndarësve me shumicë në rajonet e Italisë dhe shteteve përreth.
Lexoni KËTU gjithçka mbi vrasjen e Ergys Dashit
Prokuroria italiane kishte nisur përgjimet që në vitin 2017 për grupin e Dashit, ku një episod është fiksuar një moment kur ai debaton me kushëririn e tij, Edmond Dashi për pagesën në këmbim të shërbimit të transportit të kokainës në qytete dhe rajone të ndryshme të Italisë dhe shteteve përreth.
Ergys dhe Edmond Dashi sipas prokurorisë flasin me kode dhe një kg kokainë e cilësojnë si “1 bukë”.
Në përgjime është momenti kur Edmond Dashi i kërkon Ergys Dashit më shumë pagesa për shpërndarjen, ndërsa ky i fundit shprehet se ai (Edmond Dashi sh.r) ishte i vetmi që paguhej “5 mijë euro për 1 bukë”, pasi të tjerët paguheshin “3 mijë euro në muaj dhe transportonin sasi më të mëdha”.
Kodet
Prokuroria italiane e ka ndjekur fizikisht dhe përmes përgjimeve grupin në fjalë duke zbuluar edhe kodet e tyre. Kështu për shembull, kur pjestarët në nivelet e poshtme të grupit donin të porosisnin kokainë, nuk përdornin fjalën “doza” por “birra”. Kur donin 5 doza për shembull, sipas prokurorisë italiane, ata thonin “më sill 5 birra”.
Pjesë nga përgjimet
Ergys Dashi: Po ti nuk e kupton se ka të tjerë këtu që paguhen 3 mijë euro në muaj. PUMA për shembull (Odisea Leka) paguhet 3 000 euro në muaj dhe shkon e transporton 200 bukë në muaj. Hej dreq…dhe ju vazhdoni me këtë histori…po pse nga toka i nxjerrim lekët ne…
Edmond Dashi: Po ti e di që unë kam më shumë se një vit këtu..dhe isha mirë të punoja me 3 mijë euro në muaj..po lere tani!!
Ergys Dashi: Po ti nuk ke marrë 3 mijë euro në muaj. 5 mijë euro në muaj ishte minimumi..l*sh l*sh tani…Falendero Zotin!
Më poshtë, rolet e secilit prej anëtarëve të rendësishem sipas prokurorisë italiane:
Ergys Dashi
Promovuesi, koordinatori dhe organizatori duke u kujdesur për:
– sigurimin e kokainës
– koordinimin dhe organizimin në rajonin e Piemontes
-organizimin e dërgesave nga Amerika Latine përmes Holandës
– menaxhimin e bazave operacionale në Itali dhe bazat logjistike në Holandë
– koordinimin e punës së korrierëve të drogës
-koordinimi i punës për maksimalizimin e fitimeve
Edmond Dashi
Koordinator dhe organizatori në mbështetje të Ergys Dashit për të menaxhuar bazat e grupit të strukturuar kriminal në veri-perëndim të Italisë.
Rigelas Yzeiraj
Koordinator dhe organizatori në mbështetje të Ergys Dashit për të menaxhuar bazat e grupit të strukturuar kriminal në rajonet qendrore të Italisë.
Ismet Ceka
Koordinator dhe organizator
– asistent i Ergys Dashit për shpërndarjen e drogës në rajonin e Trentos
– krijimi i bazës së korrierëve të drogës që niste Ergys Dashi
– sigurimi i një baze ku Emond Dashi të mund të kryente dënimin “arrest shtëpiak”.
Bedrana Ahmiç
Organizatore logjistike
– kryen detyra të ndryshme logjistike dhe organizative në shërbim të grupit.
– blerja e makinave në Slloveni që përdoren nga anëtarët e grupit për të dërguar drogën në vende të ndryshme.
– organizim i shpërndarjes në Slloveni
Stivi Filolli
Korrier personal i Ergys Dashit për dërgimin e porosive të drogës tek porositësit.
Odisea Leka
Korrier i Ergys Dashit për dërgimin e porosive të drogës tek porositësit.
Alban Yzeiraj
Korrier i Ergys Dashit për dërgimin e porosive të drogës tek porositësit.
Më poshtë, gjenden edhe emrat e personave të arrestuar dhe shpallur në kërkim nga grupi i Ergys Dashit, ku shumica janë shqiptarë:
Astrit Bajraktari
Mariglen Haderi
Rako Plaku
Andi Prifti
Alfred Muçaj
Michael Marek Kowaclzyk
Marta Obara
Saverio Girgenti
Edmond Dashi
Stivi Filolli
Odisea Leka
Ismet Ceka
Rigels Yzeiraj
Alban Yzeiraj
Bedrana Ahmiç
