Pandeli Majko rikthehet në Kuvend në vend të Alqi Bllakos i cili vendosi të lërë mandatin pasi SPAK i kërkoi Kuvendit autorizim për arrestimin e deputetit.
Ish-deputeti Majko i renditur i 19-ti në listën e Qarkut Tiranës në zgjedhjet e 25 prillit, nuk arriti të thyejë herësin, e për pasojë mbeti jashtë politikës aktive.
Por Majko nuk është i vetmi nga radhët e PS hyri në Kuvend rastësisht. 2 të tjerët janë Mimi Kodheli e renditur e 21-ta në listë dhe Fatmir Xhafaj i renditur i 23-ti.
I pari që hyri në Kuvend është Fatmir Xhafaj i cili grumbulloi në të gjithë qarkun plot 16738.
Lexo edhe: Alqi Bllako la mandatin e deputetit, rikthehet në Kuvend Pandeli Majko
Najada Çomo e cila hyri në Kuvend, pas zgjedhjeve vendosi të lërë mandatin, duke e arsyetuar këtë vendim me peshën që kishte gjatë pandemisë në spital. Vendin e Çomos e zuri Mimi Kodheli.
Ndryshe nga Xhafaj dhe Kodheli, Majko hyn në Kuvend pas një viti mungesë. Në zgjedhjet e vitit të kaluar, për herë të parë, lista e kandidatëve ishte pjesërisht e hapur, çka i jepte mundësi deputetëve jo fitues që nëse merrnin numër të madh votash të kapërcenin pragun.
be.k/abcnews.al
