Ministrja për Evropën dhe Punët e Jashtme të Shqipërisë, Olta Xhaçka është takuar sot me ambasadoren e SHBA-ve në OKB, Linda Thomas-Greenfield.
Nëpërmjet një postimi në Facebook Xhaçka shkruan se Shqipëria dhe SHBA kanë qenë dhe do të vazhdojnë të jenë në vijën e parë të dënimit të agresionit rus në Këshillin e Sigurimit të OKB-së dhe kudo në mbrojtje të vlerave dhe rregullave ndërkombëtare për të siguruar llogaridhënien.
Nga ana e saj Linda Thomas falenderon Shqipërinë për qendrimin përballë luftës në Ukrainë.
“Ishte kënaqësi të takohesha me Olta Xhaçkën në Nju Jork. Mirë njohëse për partneritetin e fortë të Shqipërisë, ndërsa qendrojmë të bashkuar përballë luftës shkatërruese të Rusisë në Ukrainë”, shkruhet në postimin e ambasadores në Twitter.
It was a pleasure to meet @xhacka_olta in New York again at the @ipinst this morning. Grateful for Albania’s very strong partnership as we stand united in the face of Russia’s devastating war in Ukraine. pic.twitter.com/QdGvCFM0GA
— Ambassador Linda Thomas-Greenfield (@USAmbUN) March 25, 2022
Xhaçka vizitoi Nju Jorkun ditën e sotme ne kuadër të prezantimit të Grupit të Miqësisë për Përgjegjshmërinë për Ukrainën. Shqipëria është një prej nismëtarëve të themelimit për të punuar në mbledhjen e provave të krimeve të kryera gjatë agresionit të paligjshëm të Rusisë./abcnews.al/
