Sot Gjykata e Tiranës ka vendosur të regjistrojë ndryshimet statusore të dala nga Kuvendi i Partisë Demokratike të 11 Dhjetorit të mbajtur nga Sali Berisha dhe Grupi i Komisionit të Rithemelimit.
Me këtë vendim, Gjykata e Tiranës, zyrtarisht dhe ligjërisht njeh vendimet e Kuvendit Kombëtar të PD-së, për ndryshimet që i hapin rrugë primareve brenda partisë, fuqizimin e anëtarësisë, legalizimin e fraksioneve si dhe përcaktimin e largimit të kryetarit në rast të humbjes së zgjedhjeve të përgjithshme, ndërsa për zgjedhjet lokale kryetari duhet të votëbesohet.
Po kështu, me regjistrimin e statutit të Kuvendit të 11 Dhjetorit, Partisë Demokratike i rikthehet logo e vjetër e partisë, bashkë me simbolet e tjera si vula apo flamuri.
Përfaqësuesi ligjor i Komisionit të Rithemelimit, Ivi Kaso, thotë se me vendimin e sotëm të Gjykatës së Tiranës partia do t’u kthehet demokratëve.
“Gjykata sot mori vendimin e paralajmëruar dhe vendosi t’u kthejë demokratëve partinë e tyre. Është fitore e madhe për të gjithë demokratët, është zyrtarizuar ajo që kemi thënë që në krye të herës. Sot ka vetëm një Parti Demokratike që përfaqësohet nga Komisioni i Rithemelimit dhe është e certifikuar me vendim gjykate”, u shpreh Ivi Kaso. “Juridikisht selia e Partisë Demokratike do të drejtohet nga Komisioni i Rithemelimit”, theksoi Kaso.
Nga ana e saj Partia Demokratike hodhi akuza se vendim i sotëm do të ishte i papranueshëm pasi dosja ndodhet në Gjykatën e Apelit.
Ndërkohë më 18 dhjetor 5004 delegatë të PD zhbënë çdo vendim të Kuvendit të 11 dhjetorit, përshirë shkarkimin e kryedemokratit e ndryshimet e statutit të miratuara në Kuvendin e Berishës. Po ashtu, delegatët i dhanë besimin Bashës për përjashtimin e Berishs nga funksionet drejtuese në PD. Demokratët miratuan ndalimin e çdo personi të shpallur ‘non grata’ që të marrin funksione drejtuese në parti.
Disa ditë më parë gjykata regjistroi statutin e Bashës të korrikut 2021.
Kuvendi i 17 korrikut, ku u miratuan të gjitha propozimet e Lulzim Bashës
Kuvendi i 17 korrikut solli 11 ndryshime duke përfshirë zgjerimin e kryesisë me të tjerë anëtarë dhe shtimin e numrit të sekretarëve. Basha krijoi edhe Këshillin Koordinues të Qarkut për organizimet elektorale.
Basha nuk kishte asnjë propozim në lidhje me mandatin e kryetarit (në ndryshim nga Berisha).
Ndryshimet e Kuvendit të Bashës kishin të bënin kryesish me zgjerimin e Kryesisë, Sekretariatit dhe shtimi të strukturës së përhershme të Këshilli Koordinues i Qarkut, që do të ketë përgjegjësi në organizimin elektoral dhe aksionet e veprimtaritë politike të partisë në nivel qarku.
Në zgjerimin e Kryesisë është përfshirë edhe Kryetarin e Këshillit Kombëtar, Kryetarin e Bordit Financiar, Kryetarin e Komisionit Zgjedhor dhe Kryetarin e Komisionit të Apelimit, Integritetit dhe Etikes.
Në këtë kryesi është ruajtur edhe respektimi gjinor, ku jo më pak se 30 % e anëtarësisë të jetë grua.
Të gjitha këto propozime të Bashës u miratuan në 17 korrik përmes Statutit të ri me 60 nene.
Ndryshimet në statutin e PD në Kuvendin e Sali Berishës
Ndryshime në Statut në 2018 dhe 2021 të bëra pas dy humbjeve të rënda nga kryetari në detyrë, në vend të çlironin energji të reja, centralizuan pushtetin në duart e kryetarit duke ja marrë pushtetin organeve kolegjiale.
Parimi 1 anëtar 1 votë me qëllim fuqizimin e anëtarësisë. Kjo për zgjedhjen e organeve në qendër dhe lokale.
Referendumi, vendimet e rëndësishme do merren nga anëtarësia ku i jep demokratëve referendumin që vendosin me demokraci të drejtpërdrejtë.
Për të garantuar dhe forcuar lirinë e fjalës dhe mendimit ,garantohen me parime dhe ne fusim në statut fraksionet.
Kryetari duhet të udhëheqë mbi bazën e vendimeve të tyre por nuk u merr dot tagrat dhe nuk i përdor dot si vulë noteri si me vendimet e fundit.
Duke riformatua në madhësi organet për ti bërë eficente, do bazohet në garën dhe zgjedhjen e anëtarëve me votë të fshehtë.
Rol përcaktues kuvendit dhe këshillit kombëtar. vendime te tyre përcaktojë politikëbërjen dhe aksionin politik.
Të zgjedhurit në organet qendrore do jenë shumicë.
Organizatat partnere përveç LGD dhe FRPD, është shtuar grupimi dhjetor 90. Ato do kenë akses më të sigurt në listat e kandidimit në pushtetin vendor.
Kush janë të gjithë drejtuesit e PD që konsiderohen të shkarkuar pas vendimit të Gjykatës së Tiranës
KRYETAR
Lulzim Basha (I dorëhequr)
SEKRETAR i PËRGJITHSHËM
Gazment Bardhi
NËNKRYETAR
Enkelejd Alibeaj (I komanduar kryetar)
Agron Gjekmarkaj (I dorëhequr)
Jorida Tabaku
Grida Duma (e dorëhequr)
KRYETAR i KËSHILLIT KOMBËTAR
Arta Sakja
KRYETAR i KOMISIONIT TË APELIMIT, INTEGRITETIT DHE ETIKËS
Flutura Açka (e dorëhequr)
KRYETAR i KOMISIONIT ZGJEDHOR
Jemin Gjana
SEKRETAR ORGANIZATIV
Flamur Hoxha
SEKRETARE PËR TË PËRNDJEKURIT POLITIK
Jonila Godole
SEKRETAR PËR MARRËDHËNIET ME PUBLIKUN
Greta Bardeli
SEKRETAR i KOORDINIMIT ELEKTORAL
Taulant Zeneli
SEKRETAR PËR ORGANIZATAT PARTNERE
Orjela Nebiaj
SEKRETAR PËR ORGANIZIMIN DIXHITAL
Endri Hasa
SEKRETAR PËR ÇËSHTJET LIGJORE DHE ZGJEDHORE
Indrit Sefa
SEKRETAR PËR EMIGRACIONIN DHE DIASPORËN
Kreshnik Çollaku
SEKRETAR PËR DECENTRALIZIMIN DHE PUSHTETIN VENDOR
Roland Bejko
SEKRETAR i MARRËDHËNIEVE ME JASHTË
Gentian Gaba
ZËDHËNËS
Ina Zhupa
ANËTARË TË ZGJEDHUR
Agron Kapllanaj
Dhurata Tyli (Çupi)
Ervin Salianji
Fitim Zekthi
Gazmend Koduzi
Gert Bogdani
Helidon Bushati
Juela Hamati
Lindita Metaliaj
Orjola Pampuri
Taulanda Jupi
Tomor Alizoti
Xhemal Gjunkshi
Xhelal Mziu
/Abcnews.al/
