Ditën e nesërme, aleatët do të ofrojnë mbështetje të mëtejshme për NATO-n.
Lajmin e ka bërë të ditur Sekretari i Përgjithshëm i NATO-s, Jens Stoltenberg në konferencën e jashtëzakonshme për shtyp para samitit që do të mbahet ditën e nesërme. Mbështetja, sipas Stoltenberg përfshin pajisjet për mbrojtjen kibernetike dhe kundër kërcënimeve kimike, radiologjike dhe bërthamore.
Po ashtu, Sekretari i Përgjithshëm i Aleancës së Atlantikut të Veriut u shpreh se anëtarët e NATO-s përballen tashmë me një mjedis të ndryshuar rrenjësisht të sigurisë. Kjo pasi qeveritë autoritare janë të përgatitura për të përdorur forcën.
“Pres që të adresojmë rolin e Kinës në këtë krizë,” tha ai.
Kina i ka ofruar Rusisë mbështetje politike, duke përfshirë përhapjen e “gënjeshtrave dhe dezinformatave flagrante”, shtoi Stoltenberg.
Gjithashtu, Stoltenberg i bëri thirrje Rusisë që t’u japë fund “lojërave me armë bërthamore” ndërsa shtoi se për pushtuesin e Ukrainës ka një mesazh të qartë: Luftërat bërthamore nuk kanë fitues dhe për këtë arsye nuk duhen nisur. /abcnews.al/
