Elementi i zjarrit në astrologji është simboli i krijimit, energjisë dhe pasionit. Gjetja e flakës së brendshme mund të fitojë më shumë besim, kështu që shenjat e zjarrit, domethënë Dashi, Luani dhe Shigjetari janë shenjat me besimin më të madh.
Dashi
Me Marsin si sundimtarin e tij, planetin e energjisë dhe pasionit, Dashi i do sfidat dhe i pëlqen ta jetojë jetën në maksimum. Ai është i guximshëm, aventurier, i vendosur dhe impulsiv. Atij i pëlqen të marrë rreziqe për të arritur atë që dëshiron. Ai beson vërtet te vetja ndërsa zjarri që e karakterizon i jep frymëzim dhe motivim për të ecur përpara me vrull. Misioni i tij është të përjetojë çdo moment të jetës së tij me adrenalinën që i jep Marsi.
Luani
Nuk është rastësi që Luani drejtohet nga Dielli, planeti në qendër të universit. Luani ka lindur për të qenë yll, pavarësisht nëse drejton, udhëzon, mëson apo thjesht është vetvetja. Atij i pëlqen të ndajë gëzim, ngrohtësi dhe dashuri. Ai është karizmatik dhe lozonjar, krijues dhe nga natyra shumë ekspresiv, gjë që e bën atë shumë të këndshëm në shoqëri. Nga ana tjetër, natyrisht, Luani është veçanërisht i ndjeshëm ndaj egos së tij kur nuk merr shpërblimin që kërkon.
Shigjetari
Shigjetari drejtohet nga Jupiteri, planeti i zgjerimit, mundësive, udhëtimit, mësimit. Atij i pëlqen të jetojë çdo ditë veçmas dhe të shijojë çdo moment të saj. Ai ka lindur për të bredhur në destinacione të largëta dhe për të zbuluar sa më shumë gjëra gjatë rrugës. Shigjetari është një qytetar i botës dhe qëllimi i jetës së tij është të mësojë, të eksplorojë, të udhëtojë dhe të shijojë lirinë e tij, ndërsa përkushtimi nuk është karakteristika e tij e fortë./abcnews.al
