Vllaznia dhe Teuta do të pasin forcat me njëra-tjetrën, në kuadër të javës së 20-të të Abissnet Superiores.
Në sfidën që do të luhet në “Loro Boriçi” që nis në orën 16:45, vetëm 3 pikët bëjnë punë.
Shkodranët do kërkojnë të mbajnë hapin e skuadrave të kreut dhe të mos humbin terren ndaj tyre, ndërsa durrsakët e Renato Arapit kërkojnë rikthimin te fitorja pas humbjes turpëruese me Partizanin javën e kaluar.
Një sfidë që pritet të jetë e luftuar deri në fund, ndërsa trajnerët kanë zgjedhur edhe “luftëtarët” e këtij dueli.
Formacionet zyrtare:
Vllaznia: Zogovic, Gurishta, Diange, Krymi, Latifi, Jonuzi, Gjurgjevic, Bulatovic, Hakaj, Mustedanagic, Da Silva. Trajner: Thomas Brdaric
Teuta: Qirko, Qaqi, Aleksi, Hebaj, Vila, Avdyli, Ivanovic, Kotobelli, Beqja, Jazxhi, E.Vila. Trajner: Renato Arapi. /f.a/abcnews.al
