Një 41 vjeçar nga Delvina ka sprovuar policinë kur nuk ka pranuar të ndalojë me mjetin e tij pas kërkesës së uniformave blu. Shkak i mosbindjes ka qenë një sasi prej 3 kg kanabis që kishte në makinë.
Sipas informacionit të policisë, 41 vjeçari me inicialet E.Ç, nuk i është bindur urdhrit të punonjësve të policisë për të ndaluar, teksa lëvizte me mjetin tip “Audi”, në Qafë-Thanë. Policia është vënë në ndjekje të tij dhe e ka ndaluar në hyrje të Elbasanit. Gjatë kontrollit, në makinë iu gjet e bllokua në cilësinë e provës materiale rreth 3 kg lëndë e dyshuar narkotike Cannabis Sativa.
41 vjeçari u arrestua dhe materialet i kaluan Prokurorisë të Rrethit Gjyqësor Pogradec. /abcnews.al
