Loading ...
Rrëzimi i dy shtyllave në Ulëz dhe Shkopet ka lënë energji elektrike Laçin dhe disa zona të tjera. Ngjarja ka ndodhur mbrëmjen e djeshme dhe është raportuar nga punonjësit e OST. Fillimisht dyshimet kanë qenë se shkak janë bërë erërat e forta.
Me mbërritjen e policisë në vendin e ngjarjes, është shoqëruar në polici një person. Dyshohet se ai ka çmontuar bazat e shtyllave, çka ka sjellë edhe rrëzimin e tyre.
Aktualisht po punohet për vënien në punë të shtyllave të rrëzuara ndërsa policia po heton për zbardhjen e ngjarjes.
Mungesa e energjisë elektrike është shtrirë në disa zona të qytetit si dhe ka penguar edhe punën e Ujësjellësit të Laçit. /abcnews.al
