Mbi 19 mijë raste të reja dhe 119 të vdekur nga Covid në Greqi

Autoritetet greke të shëndetësisë kanë njoftuar sot 19 731 raste të reja me Covid. Me këtë shifër numri i përgjithshëm i rasteve që nga fillimi i pandemisë ka shkuar në 1,940,723.

Nga rastet e konfirmuara të 7 ditëve të fundit, 431 konsiderohen të lidhura me udhëtime nga jashtë dhe 1856 janë të lidhura me një rast tashmë të njohur.

Ndërkaq, në 24 orët e fundit kanë humbur jetën 119 qytetarë si pasojë e virusit. Ndërsa që nga fillimi i epidemisë janë regjistruar gjithsej 23.500 viktima. 95.0% kishin sëmundje shoqëruese ose ishin mbi moshën 70  vjeç. g.v/abcnews.al