Një aksident raportohet të ketë ndodhur mbrëmjen e sotme në hyrje të qytetit të Tepelenës. Sipas policisë një furgon që drejtohej nga një shtetas turk është përplasur me automjetin tip “Benz” me drejtues S. Ç., 31 vjeç.
Për pasojë kanë mbetur të dëmtuar pasagjeri i automjetit tip furgon, shtetasi turk Y. K. dhe dy pasagjeret e automjetit tip “Benz”, shtetaset E. L. dhe V. Ç., të cilët janë transportuar për të marrë ndihmën mjekësore në spitalin Rajonal Gjirokastër.
Njoftimi i policisë:
Tepelenë/Informacion paraprak.
Rreth orës 21:20, në aksin rrugor Memaliaj-Tepelenë, në hyrjen e qytetit të Tepelenës, janë përplasur automjeti tip furgon me drejtues shtetasin turk O. K., 37 vjeç, me automjetin tip “Benz” me drejtues S. Ç., 31 vjeç, banues në Tepelenë.
Për pasojë kanë mbetur të dëmtuar pasagjeri i automjetit tip furgon, shtetasi turk Y. K. dhe dy pasagjeret e automjetit tip “Benz”, shtetaset E. L. dhe V. Ç., të cilët janë transportuar për të marrë ndihmën mjekësore në spitalin Rajonal Gjirokastër.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
g.v/abcnews.al
