Mbrëmja e fundvitit do ju mbajë të gozhduar para ekranit të ABC. Emisioni i humorit “Kosherja”, ka përgatitur një mbrëmje speciale për të gjithë teleshikuesit, duke premtuar shumë surpriza.
Nuk do mungojnë të ftuarit special, të cilët do të shoqërojnë programin gjatë gjithë mbrëmjes. Regjisori Altin Basha ndan disa prej detajeve të mbrëmjes.
“Duke qenë surprizë nuk do doja t’i nxirrja të gjithëve. Është një emision i menduar me kujdes. Kemi bërë një koncept që kosheren e bën një Koshere të madhe të ABC.
Do të përfshihen figurat e ekranit të ABC. Dhe sigurisht të ftuarit përveçse këngëtarë janë edhe pjesë e skeçeve të ndryshme”, u shpreh Altin Basha.
Kosherja do të nis në orën 21 të mbrëmjes dhe do tju shoqërojë për 4 orë. /Abcnews.al
