Nga Ledjona Xheladinaj
Punimet për ujësjellësin e ri për fshatin Mëmëlisht të Pogradecit me 800 banorë nisën në shtator të 2020 me afat 1 vjeçar. Sipas kontratës afati është tejkaluar me 3 muaj. Investimi 179.4 milionë lekë nuk ka përfunduar.
Ky banor është kthyer nga emigracioni dhe tregon peripecitë që po kalojnë nga mungesa e ujit.
“Erdha para 10 ditësh, po lahemi me tenxhere si njëherë e një kohë. Lavatriçen e vëmë në punë sot e mbaron pas tre ditësh”.
Në disa zona nuk ka fare ujë. Në të tjerat është me orar të kufizuar dhe i ndotur. Ndotja e uji dhe mospërdorimi I tij pak muaj më parë u konfirmuar dhe nga autoritetet shëndetësore.
“I pisët me rërë vjen dhe tubat janë bllokuar, nuk është i pijshëm mbushim tek lumi i trahanit”.
“Ne duam ujë të pijshëm mbushim tek çesma e thirrës e në puset e komshinjve që janë të kontrolluar. As për të larë s’bën është batak. Na thonë do e bëjmë po s’po bëhet. Na janë infektuar dhe fëmijët nga uji i ndotur”.
Nuk janë në gjendje të mirë ekonomike dhe thonë se nuk kanë mundësi të blejnë ujë.
Pjesa më e madhe e banorëve ecin 3 km për të mbushur ujë, të tjerët janë detyruar të hapin puse. /Abcnews.al
