Policia e Burgjeve ka konstatuar një rast ku po tentohej të futeshin tre celularë në burgun e Shën Kollit në Lezhë.
Gjatë kontrolleve të imtësishme që janë kryer nga policët janë gjetur në fund të një tenxhereje tre celularë. Tenxherja ishte e mbushur me gjellë.
Materialet e çështjes i kanë kaluar Prokurorisë së rrethit për të vijuar hetimin e kësaj çështjeje dhe zbulimin e autorëve të saj.
Telefonat ishin për një të dënuar në këtë burg. /abcnews.al
