Guvernatori i New York Andrew Cuomo në një deklaratë të martën tha se 70% e të rriturve kanë marrë të paktën një dozë të një vaksine kundër koronavirusit.
“Tashmë me 70% të popullsisë së vaksinuar, shumica e masave do të lehtësohen. Kinematë do të rihapen plotësisht, madje kur të shkoni në restorante nuk do të duhet të ruani distancën prej 2 metrash”, tha Cuomo në një deklaratë.
Gjithashtu numri i klientëve në një dyqan nuk do të jetë i kufizuar. Cuomo, tha gjithashtu se do të kishte shfaqje fishekzjarrësh të martën për të festuar dhe nderuar punonjësit thelbësorë./abcnews.al
